తెలంగాణ అసెంబ్లీ ఎన్నికల కౌంటింగ్‌ ప్రక్రియ కొనసాగుతోంది. ఫలితాల్లో కాంగ్రెస్ అనూహ్యంగా పుంజుకుంది. కాంగ్రెస్ ప్రభుత్వం ఏర్పాటు దిశగా అడుగులు వేస్తోంది. ఖమ్మం జిల్లాలో కాంగ్రెస్ అభ్యర్థులను ఎవరిని అసెంబ్లీ గేటును తాకనివ్వనని పొంగులేటి శపథం చేశారు. అయితే ఒక్క భద్రాచలం తప్ప అన్ని నియోజకవర్గాల్లో కాంగ్రెస్ ఘన విజయం సాధించింది. . మెజారిటీ నియోజకవర్గాల్లో హస్తం పార్టీ సత్తా చాటింది. ఉమ్మడి ఖమ్మం జిల్లాలొ ఏయే నియోజకవర్గాల్లో, ఎవరు గెలిచారో తెలుసుకుందాం
ఉమ్మడి ఖమ్మం జిల్లా 10 అసెంబ్లీ నియోజక వర్గాల పరిధిలో 8 స్థానాల్లో కాంగ్రెస్... ఒక స్థానం సీపీఐ, ఒక స్థానం బీఆర్ఎస్ అభ్యర్థులు గెలుపొందారు.
- అశ్వరావుపేట : కాంగ్రెస్ అభ్యర్థి ఆదినారాయణ 28,845 ఓట్ల తేడాతో గెలుపొందారు
- సత్తుపల్లి : కాంగ్రెస్ అభ్యర్థి డాక్టర్.మట్ట రాగమయి 12, 734 ఓ ట్ల తేడాతో గెలుపొందారు.
- ఖమ్మం: కాంగ్రెస్ అభ్యర్థి తుమ్మల నాగేశ్వరరావు విజయం సాధించారు.
- మధిర : కాంగ్రెస్ అభ్యర్థి భట్టి విక్రమార్క విజయం సాధించారు.
- ఇల్లందు: కాంగ్రెస్ అభ్యర్థి కొరం కనకయ్య ..బీఆర్ఎస్ అభ్యర్థి హరిప్రియ నాయక్ పై 18 వేల ఓట్ల తేడాతో విజయం సాధించారు.
- కొత్తగూడెం : కాంగ్రెస్ కూటమి అభ్యర్థి కూనంనేని సాంబశివరావు ( సీపీఐ) విజయం
- పాలేరు: కాంగ్రెస్ అభ్యర్థి పొంగులేటి శ్రీనివాసరెడ్డి విజయం
- భద్రాచలం: బీఆర్ఎస్ అభ్యర్థి డాక్టర్ తెల్లం వెంకట్రావు గెలుపొందారు.
- వైరా: కాంగ్రెస్ అభ్యర్థి మాలోతు రామదాస్ విజయం సాధించారు
- పినపాక: కాంగ్రెస్ అభ్యర్థి పాయం వెంకటేశ్వర్లు విజయం సాధించారు.
